Azərbaycan, Bakı, 19 iyul /Trend, müxbir N.İsmayılova/
2011-ci ilin may ayında Azərbaycan banklarının depozit bazası 2,6 faiz, ilin əvvəlindən isə 5,1 faiz artıb. Bu barədə Azərbaycan Mərkəzi Bankının (AMB) məlumatında deyilir.
İyunun 1-nə olan məlumata görə, bank depozitlərinin, hüquqi və fiziki şəxslərin əmanətlərinin ümumi həcmi mayın əvvəlinə olan 5585,4 milyon manata nisbətdə 5729,3 milyon manat təşkil edib.
Ümumi həcmin 2623,9 milyon manatı manat vəsaitinin payına, 3105,4 milyon manatı isə valyutanın payına düşüb.
May ayı ərzində fiziki şəxslərin əmanətləri 1,1 faiz, hüquqi şəxslərin depozitlərinin həcmi isə 8,1 faiz artıb. İlin əvvəli ilə müqayisədə fərdi müştərilərin depozitləri 9,6 faiz artıb, korporativ müştərilərin depozitləri isə 0,5 faiz azalıb.
İyunun əvvəlinə fiziki şəxslərin ölkənin banklarındakı əmanətlərinin həcmi 3321,5 milyon manat təşkil edib. Bu göstərici mayın 1-nə 3358,7 milyon manat, 2011-cu il yanvarın 1-nə isə 3029,8 milyon manat olub.
Mayın əvvəlinə hüquqi şəxslərin depozitlərinin həcmi 2407,9 milyon manat təşkil edib. Bu göstərici mayın əvvəlinə 2226,7 milyon manat, yanvarın 1-nə isə 2419 milyon manat olub.
İyulun 19-na olan rəsmi məzənnə 0,7862 AZN/USD təşkil edir.
