...

"AtaHolding" Azərbaycanda turizmin inkişafına istiqamətlənib

Biznes və iqtisadiyyat xəbərləri Materials 28 Oktyabr 2011 18:48

Trend-i buradan izləyin

Azərbaycan, Bakı, 28 oktyabr /Trend müxbir N.İsmayılova/

Azərbaycanın "AtaHolding" Şirkətlər Qrupu özünün törəmə strukturu olan "AtaTravel"in fəaliyyətini aktivləşdirmək yolu ilə ölkədə turizmin inkişafına istiqamətlənib. Trend-in məlumatına görə, bu barədə cümə günü jurnalistlərə holdinqin idarə heyətinin sədri Fərid Əsədov deyib.

"Biz həm daxili, həm də xarici turizm üzrə ixtisaslaşacaq yeni "AtaTravel" şirkəti yaratmışıq", - Əsədov bildirib.

Onun sözlərinə görə, "AtaHolding", həmçinin holdinqin törəmə strukturu olan "AtaBank"ı işə cəlb etmək istəyir. Burada məqsəd əhaliyə daha geniş məhsul çeşidləri təqdim etməkdir.

"AtaTravel" vergi orqanlarında dövlət qeydiyyatından 2011-ci ilin sentyabrında keçib.

2003-cü ildən etibarən fəaliyyətə başlamış "AtaHoldinq" ASC iqtisadiyyatın müxtəlif sahələrində investisiya qoyuluşunu, maliyyə vəsaitlərinin, habelə intellektual sərvətlərin idarə olunmasını və korporativ idarəetməni həyata keçirir. Holdinqin nizamnamə kapitalı 83,9 milyon manat təşkil edir. Nizamnamə kapitalı əsasən maliyyə, sənaye, telekommunikasiya və İT, xidmət, inşaat və turizm sahələrinə yönəldilib.

Oktyabrın 28-nə olan rəsmi məzənnə 0,7869 AZN/USD təşkil edir.

Xəbər lenti

Xəbər lenti