...

"Paşa Bank" şübhəli əməliyyatlar üzərində nəzarəti təkmilləşdirir

Biznes və iqtisadiyyat xəbərləri Materials 8 Dekabr 2011 19:47 (UTC +04:00)

Azərbaycan, Bakı, 8 dekabr /Trend, müxbir N.İsmayılova/

Azərbaycan bankı "Paşa Bank" 2012-ci il ərzində "SafeWatch Filtering" proqram təminatı modelindən "SafeWatch Profiling " modelinə keçid üzrə işləri həyata keçirməyi planlaşdırır. Bu barədə cümə axşamı Trend-ə bankın idarə heyətinin üzvü Emil Hacıyev deyib.

"SafeWatch Filtering" - bank və digər maliyyə təşkilatları üçün müasir tədbirlər kompleksi olub, cinayət yolu ilə əldə edilmiş vəsaitlərin qanuniləşdirilməsinin və terrorizmin maliyyələşdirilməsinin əleyhinə yönəlmiş (Anti Money Laundering) beynəlxalq və milli qanunvericilik normalarına əməl edilməsinə imkan yaradır.

"Biz "SafeWatch" sistemini ona görə almışıq ki, ölkə qanunvericiliyinin mövcud tələblərinə və bu istiqamətdəki prosesə qarşı özümüzün strateji baxışımıza cavab verək. Hazırda bizim gündəlikdə növbəti mərhələ - "Filtering" modelindən "Profiling"ə keçid dayanır", - o bildirib.

Onun sözlərinə görə, keçid prosesi xeyli kompleks məsələləri əhatə edir. Onları texniki tərkib hissəsinə bölmək olar ki, bu da daxili bank sistemi səviyyəsində təkcə indi olduğu kimi "SWIFT" sistemini deyil, özünün şübhəlilik ssenarisinin tərtib edilməsi imkanını nəzərdə tutan prosedur hissənin də inteqrasiyanı ehtiva edir.

"Bu gün sistem qarşısında alqoritmik səviyyədə qoyduğumuz vəzifələr sistemdə artıq mövcud olan ssenarilərlə məhdudlaşır. Əlbəttə, sistem kifayət qədər çevikdir və hətta mövcud ssenarilər çərçivəsində müəyyən dəyişkənlik yaratmağa imkan verir. Şübhəlilik meyarları ölkələr səviyyəsində hazırlanıb, lakin paralel olaraq, öz ssenarilərini yaratmaq imkanları var", - Hacıyev deyib.

"Bu prosesi il ərzində nə qədər tam başa çatdıracağımızı indi söyləmək çətindir", - o bildirib.

2011-ci ilin iyununda bank Belçikanın "EastNets" şirkəti ilə müqavilə bağlayıb, noyabrın sonunda isə "SafeWatch Filtering" proqram təminatı artıq buraxılıb. Bu proqram təminatının banka tətbiq edilməsinə dəstəyi Ukraynanın "ProFix" şirkəti göstərib.
Bu proqram "Raiffeisen Bank", "Bank of China", "HypoVereinsbank", "Nordea Group", "ING Bank", "ABN Amro Bank N.V.", "Credit Lyonnais Bank", "Fortis Bank" kimi banklar tərəfindən istifadə edilir. MDB ölkələri arasında proqramdan ancaq Rusiya və Ukrayna bankları istifadə edirlər.

"Paşa Bank" 2007-ci ilin iyununda yaradılıb və Azərbaycan Mərkəzi Bankının 28 yanvar 2007-ci il tarixli lisenziyası əsasında fəaliyyət göstərir.

"Paşa Bank" ASC "Paşa Sığorta", "Paşa Həyat", "Paşa Travel" və "Paşa Tikinti" ilə yanaşı, "Paşa Holdinq"in tərkibinə daxildir. Holdinq faktiki olaraq klassik holdinq yox, investisiya şirkətidir. "Pasha Group"un strukturuna "Kapital Bank" da daxildir. Orada holdinq səhmlərin 99,75 faizi məxsusdur.

Bankın səhmdarları strukturunda pay bölgüsü bu şəkildədir: "Paşa Holdinq"ə səhmlərin 60 faizi, ADOR ltd şirkətinə 30 faiz, Arif Paşayevə 10 faiz məxsusdur.

Xəbər lenti

Xəbər lenti