Azərbaycan, Bakı, 27 yanvar /Trend, müxbir A.Axundov/
Azərbaycan Dövlət Gömrük Komitəsi (DGK) 2012-2016-cı illərdə komitənin inkişafı üzrə strateji fəaliyyət planını təsdiq edib. Bu barədə cümə günü Trend-ə Gömrük Komitəsinin rəhbəri Aydın Əliyev bildirib.
Onun sözlərinə görə, plan komitənin əsas fəaliyyət istiqamətlərini əhatə edir.
"Plan əsasən, komitənin fəaliyyətində informasiya texnologiyalarının tətbiqi üzrə işləri, infrastrukturların genişləndirilməsini, kadrların ixtisasının artırılmasını və əlbəttə ki, beynəlxalq münasibətlərin genişləndirilməsini əhatə edir", - Əliyev qeyd edib.
O bildirib ki, plan ölkədə gömrük terminallarının tikintisini də nəzərdə tutur.
