Azərbaycan, Bakı, 6 iyun /Trend, müxbir Ə.Həsənov/
Azərbaycanın iş adamlarından ibarət nümayəndə heyəti iyunun 10-16-da Çində səfərdə olacaq. Trend-in məlumatına görə, bu barədə çərşənbə günü Azərbaycanda İxracın və İnvestisiyaların Təşviqi Fondunun (AZPROMO) məlumatında deyilir.
Səfər zamanı Çin-Azərbaycan biznes forumu baş tutacaq. Çinin məhsul idxalçıları və avadanlıq istehsalçıları ilə ikitərəfli görüşlərin keçirilməsi gözlənilir. Həmçinin Azərbaycanın iş adamları Çində fəaliyyət göstərən sənaye parklarına baş çəkəcəklər.