Azərbaycan, Bakı, 15 sentyabr /Trend, müxbir İ.Xəlilova/
İndoneziyanın iqtisadi məsələlərin koordinasiyası naziri Xata Racasananın Bakıya səfəri çərçivəsində sentyabrın 17-də Azərbaycan-İndoneziya biznes forumu keçiriləcək. Bu barədə şənbə günü Trend-ə Azərbaycan İqtisadi İnkişaf Nazirliyindən bildiriblər.
"Biznes forumda 50-yə yaxın sahibkarın, o cümlədən biznes imkanların təqdimatını keçirəcək İndoneziya biznesinin 13 nümayəndəsinin iştirakı gözlənilir", - nazirlikdən deyiblər.
Forum İqtisadi İnkişaf Nazirliyi və Azərbaycanda İxracın və İnvestisiyaların Təşviqi Fondu (AZPROMO) tərəfindən təşkil edilir.
