...

"Bank of Baku" ilə Qafqaz Universiteti arasında əməkdaşlıq haqqında razılaşma imzalanıb

Biznes və iqtisadiyyat xəbərləri Materials 29 Noyabr 2012 13:22 (UTC +04:00)
Bu günlərdə "Bank of Baku" ilə Qafqaz Universiteti arasında əməkdaşlıq haqqında razılaşma imzalanıb.
"Bank of Baku" ilə Qafqaz Universiteti arasında əməkdaşlıq haqqında razılaşma imzalanıb

Azərbaycan, Bakı, 29 noyabr/Trend/

Bu günlərdə "Bank of Baku" ilə Qafqaz Universiteti arasında əməkdaşlıq haqqında razılaşma imzalanıb. Trend-in məlumatına görə, bu barədə cümə axşamı bankın yaydığı məlumatda deyilir.

Razılaşmanı "Bank of Baku"nun sədr müavini Zaur Qaraisayev və Qafqaz Universitetinin rektoru, professor Ahmet Saniç imzalayıblar.

İmzalanmış sazişin əsas məqsədi bankın bilik və təcrübəsinin universitetdə istifadəsinə və ali məktəb tələbələrinin bankın fəaliyyətinə cəlb edilməsinə nail olmaqdır. Sənəd universitet müəllimlərinin müasir informasiya texnologiyaları üzrə bankda stajkeçmə və ixtisasartırma kurslarının təşkili və keçirilməsi, universitet məzunlarının işlə təmin olunması, universitet tələbələrinin bankın bölmələrində istehsalat təcrübəsinin, müxtəlif müştərək elmi-texniki konfransların keçirilməsini və digər tədbirləri ehtiva edir.

İmzalanma mərasimində çıxış edən "Bank of Baku"nun sədr müavini Zaur Qaraisayev bildirib ki, müştərək fəaliyyət xüsusən də gənclər üçün yeni imkanlar yaradır. "Bank of Baku"nun kadr siyasətinin prioriteti yeni istedadlı gənclərin banka cəlb edilməsindən ibarətdir. Bu mənada bu saziş bizim üçün münbit bir zəmin olacaq", - Qaraisayev qeyd edib.

Öz növbəsində Qafqaz Universitetinin rektoru Ahmet Saniç "Bank of Baku" ilə əməkdaşlıqdan məmnun olduqarını vurğulayıb. Onun sözlərinə, görə ali məktəblə bank arasında əməkdaşlıq qarşılıqlı faydalı olacaq.

Məqalədə:
Xəbər lenti

Xəbər lenti