Azərbaycan, Bakı, 27 dekabr /Trend, müxbir İ.Xəlilova/
Azərbaycanın strateji valyuta ehtiyatları dekabrın 1-nə 46,5 milyard dollara çatıb ki, bu da üç il ərzində ölkədə mal və xidmət idxalının maliyyələşdirilməsi üçün kifayətdir və dövlətin xarici borclarını doqquz dəfə üztələyir. Trend-in məlumatına görə, bu barədə Azərbaycan Mərkəzi Bankının (AMB) cümə axşamı dərc olunmuş 2013-cü il üçün pul və maliyyə sabitliyi siyasətinin əsas istiqamətləri barədə bəyanatında deyilir.
"Strateji ehtiyatlar ümumi daxili məhsulun (ÜDM) 70 faizinə çatır və bu göstərici üzrə ölkə dünyada ilk "15-lik"dədir", - bəyanatın mətnində deyilir.
Mərkəzi Bankın valyuta ehtiyatları isə ilin əvvəlindən 14 faiz artaraq 12 milyard dollara yaxınlaşıb.
Mərkəzi Bank 2013-cü ildə özünün valyuta ehtiyatlarının idarə edilməsinin yeni strategiyasını formalaşdırılıb.
"Bu strategiya mövcud qlobal iqtisadi şəraitdə ehtiyatların maliyyə alətlərinin və coğrafi strukturunun diversifikasiyasını nəzərdə tutur", - bəyanatda deyilir.