...

Azərbaycanda ödəniş kartları bazarı il ərzində 12 faiz artıb

Biznes və iqtisadiyyat xəbərləri Materials 11 Yanvar 2013 20:47

Trend-i buradan izləyin

Azərbaycan, Bakı, 11 yanvar /Trend, müxbir A.Axundov/

Azərbaycanda ötən ilin noyabr ayında ödəniş kartlarının sayı 2,13 faiz artaraq 5,071 milyon ədədə çatıb. 2011-ci ilin analoji dövrünün göstəricisi ilə müqayisədə kartların sayı 11,82 faiz artıb. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.

Noyabrda bankomat və POS-terminallar vasitəsilə ödəniş kartları üzrə ümumi dövriyyə 775 milyon manat, əməliyyatların ümumi sayı isə 4,997 milyon ədəd təşkil edib.

Debet kartlar üzrə əməliyyatların ümumi sayı 4,586 milyon ədəd, dəyəri isə 677 milyon manat təşkil edib.

Ölkə daxilində debet kartlar üzrə əməliyyatların ümumi sayından bankomatlar vasitəsilə 618 milyon manat məbləğində 4,026 milyon, POS-terminallar vasitəsilə 42 milyon manat məbləğində 385 min əməliyyat yerinə yetirilib.

2012-ci ilin noyabrında kredit kartları vasitəsilə ümumi dəyəri 97 milyon manat olan 411 min əməliyyat həyata keçirilib.

Kredit kartları vasitəsilə əməliyyatların ümumi sayından 40 milyon manatlıq 139 min əməliyyat bankomatlar, 23 milyon manatlıq 97 min əməliyyat isə POS-terminallar vasitəsilə həyata keçirilib.

2012-ci il dekabrın 1-nə olan məlumata əsasən, ölkədə 2240 bankomat fəaliyyət göstərib, onlardan 1249 ədədi Bakıda, 991 ədədi isə ölkənin digər şəhər və rayonlarında yerləşir.

Bankomatların ümumi sayı il ərzində 136 ədəd və ya 6,46 faiz artıb.

2012-ci il dekabrın 1-nə olan məlumata görə, POS-terminalların sayı 36 482 ədəd təşkil edib ki, onlardan 33 333 ədədi Bakıda, 3149 ədədi isə digər şəhər və rayonlarda yerləşir.

POS-terminalların sayı 2011-ci ilin noyabrından etibarən 23 704 ədəd və ya 2,86 dəfə artıb.

Məqalədə:
Xəbər lenti

Xəbər lenti