...

Azərbaycan şirkətləri “Beynəlxalq Yaşıl Həftə - 2013” sərgisində iştirak edəcək

Biznes və iqtisadiyyat xəbərləri Materials 15 Yanvar 2013 13:18 (UTC +04:00)
Yanvarın 18-27-də Almaniya Federativ Respublikasının paytaxtı Berlində qida, kənd təsərrüfatı və bağçılıq sahəsində ənənəvi “Beynəlxalq Yaşıl Həftə - 2013” (“International Green Week - 2013”) sərgisi keçiriləcək.
Azərbaycan şirkətləri “Beynəlxalq Yaşıl Həftə - 2013”
sərgisində iştirak edəcək

Azərbaycan, Bakı, 15 yanvar /Trend/

Yanvarın 18-27-də Almaniya Federativ Respublikasının paytaxtı Berlində qida, kənd təsərrüfatı və bağçılıq sahəsində ənənəvi "Beynəlxalq Yaşıl Həftə - 2013" ("International Green Week - 2013") sərgisi keçiriləcək.

İqtisadi İnkişaf Nazirliyinin mətbuat xidmətindən Trend-ə verilən məlumata görə, Avropanın ən iri sərgisi hesab olunan "Beynəlxalq Yaşıl Həftə" 1926-cı ildən etibarən keçirilir. Hər il dünyanın 70 ölkəsindən 1500-dən çox müəssisənin və 5000-ə qədər media nümayəndəsinin iştirak etdiyi sərgi yarım milyondan artıq insan tərəfindən ziyarət olunur.

Bu il Azərbaycanın 6-cı dəfə iştirak edəcəyi sərgidə ölkəmiz 30-a yaxın şirkətlə təmsil olunacaq.

İqtisadi İnkişaf Nazirliyinin təşkilatçılığı ilə sərginin Azərbaycan pavilyonunda ölkəmizdə istehsal olunan 250-ə yaxın çeşiddə müxtəlif kənd təsərrüfatı və yeyinti məhsulları nümayiş etdiriləcək. Bundan başqa, sərgi iştirakçılarına Azərbaycan haqqında müxtəlif çap materialları, jurnallar, broşurlar və disklər paylanacaqdır.

"Beynəlxalq Yaşıl Həftə - 2013" sərgisi çərçivəsində müxtəlif təqdimatların keçirilməsi də nəzərdə tutulur. Tədbir çərçivəsində alman və Azərbaycan iş adamlarının iştirakı ilə ölkəmizin biznes və investisiya imkanlarına dair təqdimat keçiriləcəkdir.

"Beynəlxalq Yaşıl Həftə - 2013" sərgisi sahibkarların yeni tərəfdaşlıq əlaqələrinin yaradılması və əməkdaşlığın genişləndirilməsində xüsusilə əhəmiyyətlidir.

Məqalədə:
Xəbər lenti

Xəbər lenti