Azərbaycan, Bakı, 14 avqust /Trend, müxbir A. Axundov/
2013-cü ilin birinci yarısında Azərbaycanın bank sisteminin təmərküzləşməsi davam edib.
Azərbaycan Mərkəzi Bankının (AMB) çərşənbə günü saytında yerləşdirdiyi maliyyə sabitliyi haqqında hesabata görə, iri bankların (kapitalın həcminə görə ilk 5 bank) sistem üzrə aktivlərdə payı 57,8%-dən 52,1%-dək azalıb, iqtisadiyyata kredit qoyuluşunda isə payı 54,2%-dən 51,6%-ə enib.
Herfindal-Hirşman indeksində (bank sistemində təmərküzləşmə səviyyəsini qiymətləndirilməsi üçün tətbiq edilir) 2008-2009-cu illərdən başlayan azalma trendi davam edir.
Cari ilin birinci yarısında bank sektorunun aktivləri 1,66 milyard manat və ya 10 faiz artaraq 18,19 milyard manata çatıb.
