Azərbaycan, Bakı, 5 oktyabr /Trend, müxbir İ.Xəlilova/
Azərbaycan Mərkəzi Bankının (AMB) qeydinə görə, bu ilin yanvar-avqust aylarının nəticələri üzrə bankların ümumi mənfəəti zərərlə işləyən bankların itkilərindən 18,1 dəfə çox olub. Trend-in məlumatına görə, bu barədə AMB-nin statistik hesabatında deyilir.
Hesabata əsasən, 40 bankın mənfəəti 238,12 milyon manat, 3 bankın zərəri isə 13,15 milyon manat təşkil edib ki, bu da bank sisteminə 224,97 milyon manat xalis mənfəət qazanmağa imkan yaradıb.
Ötən ilin müvafiq dövrü ilə müqayisədə mənfəətlə işləyən bankların sayı 7 ədəd, sektorun ümumi mənfəəti isə 29,8 faiz artıb. Bununla belə, zərərlə işləyən bankların sayı 7-dən 3-dək azalıb, ümumi zərər isə 7,1 dəfə azalıb.
2013-cü ilin əvvəlki ayının nəticələrinə nisbətən mənfəətlə işləyən bankların sayı 1 ədəd, sektorun ümumi mənfəəti isə 11,4 faiz artıb. Bununla yanaşı, zərərlə işləyən bankların sayı 4-dən 3-dək azalıb, ümumi zərər isə 44,7 faiz artıb.
Hesabatda deyilir ki, bank sisteminin qazandığı maksimum mənfəət 2009-cu ildə 269,57 milyon manat səviyyəsində qeydə alınıb və 39 bankın işinin yekunu üzrə əldə edilib. Banklar ən yüksək xalis mənfəəti isə 2009-cu ildə 252,98 milyon manat səviyyəsində əldə ediblər.
Bankların fəaliyyətinin maliyyə nəticələri (vergilər ödənildikdən sonra) milyon manatla:
|
Dövrlər |
Mənfəətlə işləyən bankların sayı |
Bank sisteminin ümumi mənfəəti (mənfəətli banklar üzrə) |
Zərərlə işləyən bankların sayı |
Bank sisteminin ümumi zərərləri (zərərlə işləyən banklar üzrə) |
Bankların aldığı yekun mənfəət (+) və ya zərər (-) |
|
01.09.2012 |
32 |
183,40 |
10 |
- 93,62 |
89,78 |
|
01.01.2013 |
31 |
238,12 |
3 |
- 13,15 |
224,97 |