Gürcüstan, Tbilisi, 13 dekabr /Trend, müxbir N.Kirsxaliya/
Pis hava şəraiti ilə əlaqədar Gürcüstanın avtomobil yollarında nəqliyyatın hərəkətinə tətbiq edilən xüsusi rejim qüvvədədir.
Cümə günü ölkənin Avtomobil Yolları Departamentindən Trend-ə verilən məlumata görə, ölkənin bütün ərazisində soyuq hava şəraiti davam edir. Ona görə də yolların bəzi hissələrində müəyyən məhdudiyyətlər tətbiq edilib.
Belə ki, Kaxetidə Vaziani-Qombori-Telavi avtomobil yolunun Vaziani-Telavi hissəsində qar və buz səbəbindən qoşqu və yarımqoşqular, eləcə də 30-dan artıq sərnişin avtobusunun hərəkəti qadağan edilib. Digər nəqliyyat vasitələri üçün isə xüsusi zəncirdən istifadə etməklə hərəkətə icazə verilir.
Oxşar məhdudiyyətlər Tbilisi-Bakurtsixe-Laqodexi avtomobil magistralının Tbilisi-Tsnori hissəsində tətbiq edilir.