Azərbaycan, Bakı, 7 fevral /Trend, müxbir R.Hafizoğlu/
Hazırda İstanbulda "Tuzla Viaport Marine" adı ilə Türkiyənin ən böyük turizm kompleksinin tikintisi aparılır. Trend-in "Sabah" qəzetinə istinadən verdiyi məlumata görə, bunu İstanbul meri Kadir Topbaş deyib.
Onun sözlərinə görə, kompleksin hər il 25 milyon turist qəbul edəcəyi, işçi heyətinin isə 2,5 min nəfərdən ibarət olacağı planlaşdırılır.
İstanbul meri bildirib ki, turizm obyektinin tikintisi layihəsinin reallaşdırılmasına 270 milyon türk lirəsi ayrılıb.
Qeyd edək ki, 2013-cü ildə Türkiyəni 31 milyon əcnəbi turist ziyarət edib.
