Azərbaycan, Bakı, 12 iyun /Trend, müxbir E.İsmayılov/
Bakı-Tbilisi-Qars (BTQ) dəmiryolunun istifadəçiləri üçün hava əlaqəsi tarifləri ilə müqayisədə maksimum sərfəli və rəqabətli tariflər müəyyənləşdiriləcək. Trend-in məlumatına görə, bunu cümə axşamı jurnalistlərə nəqliyyat nazirinin müavini Musa Pənahov deyib.
Onun sözlərinə görə, hava nəqliyyatı ilə ünvana daha tez çatmaq olur, lakin dəmiryolla səyahət etmək üçün rahat şəraitin olmasını arzulayanlara bu marşrut çərçivəsində sərfəli tariflər müəyyənləşdiriləcək.
M.Pənahov qeyd edib ki, BTQ çərçivəsində işlər sürətlə aparılır və bu ilin oktyabrında Türkiyə sərhədinədək ilk işçi qatarı yola salınacaq.
Azərbaycan, Gürcüstan və Türkiyənin dəmiryol sistemlərini birləşdirəcək BTQ-nin gələn il işə salınması planlaşdırılır.