PremiumAzərbaycan banklarının mənfəəti itkilərdən 8 dəfə çox olub

Azərbaycan, Bakı, 4 oktyabr /Trend, müxbir Maksim Surkov/

Azərbaycan Mərkəzi Bankının (AMB) qeyd etdiyinə görə, bu ilin avqust ayının nəticələri üzrə bankların ümumi mənfəəti zərərlə işləyən bankların itkilərindən 8 dəfə çox olub. Trend-in məlumatına görə, bu barədə AMB-nin statistik hesabatında deyilir.

Hesabata əsasən, 36 bankın mənfəəti 340,05 milyon manat, 8 bankın zərəri isə 42,44 milyon manat təşkil edib ki, bu da bank sisteminə 297,61 milyon manat xalis mənfəət qazanmağa imkan yaradıb.

İyul ayı ilə müqayisədə avqustda mənfəətlə işləyən bankların sayı dəyişməz qalıb, onların ümumi mənfəəti isə 16,1 faiz azalıb. Zərərlə işləyən bankların sayı da dəyişməz qalıb, ümumi zərər isə 10,3 dəfə artıb.

2014-cü ilin avqustunda ötəni ilin analoji dövrü ilə müqayisədə ölkədə mənfəətlə işləyən bankların sayı 4 ədəd azalıb, sektorun ümumi mənfəəti isə 42,8 faiz artıb. Bununla yanaşı zərərlə işləyən bankların sayı 3-dən 8-dək artıb, ümumi zərər isə 3,2 dəfə artıb.

Azərbaycanda 44 bank fəaliyyət göstərir.