Azərbaycan, Bakı, 3 noyabr /Trend, müxbir Emil İsmayılov/
"Azərbaycan Hava Yolları" QSC (AZAL) təyyarə parkının yenilənməsi çərçivəsində 2018-ci ilə 10 yeni "Boeing-737" sərnişin təyyarəsi alacaq. Bunu Trend-ə AZAL-dakı mənbə deyib.
Mənbə qeyd edib ki, həmin təyyarələrin alınması AZAL-a hazırda istismar etdiyi "Airbus" istehsallı, o cümlədən "A319" modelli təyyarələri dəyişməyə imkan verəcək.
Onun sözlərinə görə, bu təyyarələr üçün sifariş artıq verilib: "Qrafikə əsasən, hava gəmiləri 2018-ci ildə alınacaq".
Qeyd edək ki, AZAL-ın parkı aşağıdakı təyyarələrdən ibarətdir: "Boeing 757-200", "Boeing 767-300", "Airbus 319", "Airbus A320", "Airbus A340-500", "Embraer ERJ 170-100LR" və "Embraer ERJ 190-100"
