Azərbaycan, Bakı, 29 may /Trend, müxbir Ənvər Məmmədov/
İyunun 1-dən Bakı Fond Birjasında (BFB) "Mega Insurance" ASC-nin ümumi məbləği 2,5 milyon manat olan sənədsiz, adlı, adi səhmlərinin satışına başlanılacaq.
Trend-in BFB-yə istinadən verdiyi məlumata əsasən, emissiya çərçivəsində hər birinin nominal dəyəri 5000 manat olan 500 səhm buraxılıb.
Yerləşdirmənin anderrayteri qismində "AzFinance Invest" MMC çıxış edir.
Məlumata əsasən, şirkətin səhmdarları iyulun 1-dək səhmlərin əldə edilməsi üzrə üstün hüquqa malikdirlər: "Səhmlərinin emissiyasının yerləşdirilməsi bu il dekabrın 31-də başa çatacaq".
Qeyd edilir ki, ASC-nin səhmləri BFB-nin alternativ bazar seqmentində listinqə daxil edilib.