...

Azərbaycanda bank hesablarının açılması qaydaları dəyişdiriləcək

Biznes və iqtisadiyyat xəbərləri Materials 29 Aprel 2017 22:03 (UTC +04:00)
Azərbaycanda bank hesablarının açılması ilə əlaqədar yeni qaydalar hazırlanır
Azərbaycanda bank hesablarının açılması qaydaları dəyişdiriləcək

Trend-i buradan izləyin

Bakı. Azad Həsənli - Trend:

Azərbaycanda bank hesablarının açılması ilə əlaqədar yeni qaydalar hazırlanır.

Trend-in məlumatına görə, bunu Maliyyə Bazarlarına Nəzarət Palatasının (Palata) Direktorlar Şurasının sədri Rüfət Aslanlı deyib.

Onun sözlərinə görə, bu qaydalar artıq müzakirə üçün Azərbaycan Banklar Assosiasiyasına göndərilib.

Aslanlı qeyd edib ki, dünya təcrübəsində hesabların açılmasında çoxlu suallar verilir. Məsələn, hesaba daxilolmaların orta həcminin nə qədər olacağı, hansı ölkələrdən olacağı, hesab açan şəxsin fəaliyyət növü və sairə.

"Bu gün 8 Azərbaycan bankının xarici banklarda hesabları bağlıdır. Onlar bizim bankların müxbir hesablarını, müştərilərin unifikasiyası üzrə tələblər beynəlxalq tələblərə cavab vermədiyinə görə, bağlayırlar", - Aslanlı deyib.

Palatanın nümayəndəsi qeyd edib ki, bununla əlaqədar bir neçə Avropa banklarının nümayəndələri gələn həftə Bakıda olacaqlar.

Ümumiyyətlə isə, Aslanlı bildirdi ki, yaxın zamanlarda hazırda Azərbaycan Banklar Assosiasiyasında müzakirə olunan bank sektoru ilə bağlı 45 müxtəlif qaydalar qəbul olunacaq.

Məqalədə:
Xəbər lenti

Xəbər lenti