Bakı. Trend:
2022-ci ilin yanvar-oktyabr aylarında Azərbaycanda elektron ticarət dövriyyəsi 14 milyard manatı ötüb.
Trend-in məlumatına görə, bunu "PAŞA Bank"ın korporativ və kommersiya bankçılığı departamentinin rəhbəri Bəhmən Orucov "E-Commerce Day of Azerbaijan" adlı tədbir zamanı deyib.
Onun sözlərinə görə, dövlət portallarında ödəniş göstəriciləri nəzərə alınmasa, elektron ticarət dövriyyəsi 5 milyard manata yaxın olub.
"Bundan başqa, cari ildə POS-terminallar üzrə dövriyyədə yarıdan çox dinamik artım var", - deyə o bildirib.
B.Orucov onu da vurğulayıb ki, dünyada e-ticarət sektorunda hər gün dəyəri 100 trilyon dollardan çox olan 6,6 trilyon dollar əməliyyat həyata keçirilir.
“Elektron ticarətin üstünlük təşkil etdiyi əsas ölkələr Şimali Amerika və Asiyadır”, - deyə departamentin direktoru bildirib.