Azeriqazneql İstehsalat Birliyi ( "Azəriqaznəql İB" - Azərqaz QSC-nin strukturudur) Ağsu-Kürdəmir (L-4,26 km, D-325 mm) və Qaradağ-Tbilisi (L-0,8 km, D-720 mm) qaz kəmərlərinin əsaslı təmiri üçün tender elan edib. Bu barədə İB-dən "Tpend" ə məlumat verilib.
Ağsu-Kürdəmir qaz kəmərinin 10,7-13, 14,3-14.7, 18,7-20 və 20-20,3 km-də əsaslı təmir işlərinin aparılması nəzərdə tutulur. Əsaslı təmir Qaradağ-Tbilisi qaz kəmərinin Ceyrankeçməz çayından keçdiyi hissələrində aparılacaq.
Hər bir lot üzrə görüləcək işlər üçün 60 gün ayrılıb.
Bu işlə maraqlanan şirkətlər sənədləri almaq üçün tender komissiyasına müraciət edə bilərlər. Tenderdə iştirak etmək üçün şhirkətlər hər lot üzrə 1 milyon manat ödəməlidirlər.
Potensial iştirakçılar öz sənədlərini İstehsalat Birliyinin tikinti və inkişaf şöbəsinə iyulun 29-dən, tenderlə bağlı təkliflərini isə iyulun 8-dən gec olmayaraq təqdim etməlidirlər. Təkliflər paketi iyulun 9-da "Azəriqaznəql" İB-də açılacaq.
