Hesablama Palatası (HP) Bakı şəhər icra hakimiyyəti aparatının Baş əsaslı tikinti və təmir idarəsində apardığı auditi başa çatdırıb. Bu barədə palatadan Trend xəbər agentliyinə məlumat verilib.
Məlumata görə, yoxlama nəticəsində sözügedən idarədə bir sıra nöqsan və çatışmamazlıqlar aşkar edilib. Bu nöqsan və çatışmamazlıqların nədən ibarət olduğu bildirilməsə də, auditin nəticələrinin HP-nin dünən keçirilən kollegiya iclasında müzakirə olunaraq təsdiq olunduğu qeyd olunur. Bundan başqa iclasda Azərbaycan Müəllimlər İnstitutunun Ağcabədi rayon filialında və Lənkəran Dövlət Universitetində həyata keçirilən auditin müddətinin uzadılması, eləcə də auditin əhatə dövrünün genişləndirilməsi barədə də qərarlar qəbul olunub.