2005-ci ilin yanvar-iyul aylarında Xəzər Dəniz Gəmiçiliyi İdarəsi 5,775 milyon ton neft nəql edib.Ötən ilin analoji dövründə isə bu rəqəm 5,727 milyon ton olub. Trend in məlumatına görə, bu ilin yanvar-iyul aylarında idarənin tankerləri Qazaxıstandan 2,146 milyon ton neft və neft məhsulları daşıyıb. Ötən ilin analoji dövründə isə bu rəqəm 1,573 milyon ton olub.
Türkmənistandan neft və neft məhsullarının daşınmasının həcmi hesabat dövründə 1,603 milyon ton olduğu halda, 2004-cü ilin müvafiq dövründə bu rəqəm 1,742 milyon ton təşkil edib.
Qazaxıstandan və Türkmənistandan neft və neft məhsulları 1996-cı ildən Azərbaycanın limanlarına daşınır, oradan isə Azərbaycan və Gürcüstandan tranzitlə Qara dənizin Poti və batumi limanlarına, oradan isə dünya bazarlarına daşınır.
2005-ci ilin yanvar-iyul aylarında idarənin tankerləri Xəzərdəki digər istiqamətlərə 2,026 milyon ton neft və neft məhsulları (ötən il bu rəqəm 2,412 milyon ton olub), eləcə də, İranın Neku və Novşəhrə
1,189 milyon ton, Mahaçqala limanına 77.700 ton neft və neft məhsulları, məhsulun qalan hissəsi isə digər limanlara daşınıb.
Ümumilikdə, KASPAR (Xəzər Dəniz Gəmiçiliyi İdarəsi ) bu ilin yanvar-iyul aylarında 7,756 milyon ton yük daşıyıb. Ötən ilin analoji dövründə isə bu rəqəm 8,14 milyon ton olub.
Xəzər dənizindən ən böyük tanker donanmasına malik olan KASPAR 38 tanker istismar edir.
