2005-ci ilin yanvar-avqust ayları ərzində Azərbaycan iqtisadiyyatına 17067,6 milryd. manatlıq kapital qoyulub (həmin müddətdə manatın dollar nisbətdə orta məzənnəsi 4798,4 olmaqla 3556,935 milyn. dollar) ki, bu da 2004-cü ilin 8 ayı ərzindəki investisiyaların həcmindən 11,4% çoxdur. Bu barədə Trend ə Dövlət Statistika Komitəsindən məlumat verilib. Bütün 2004-cü il ərzində Azərbaycan iqtisadiyyatına 36,1% artım sürəti ilə 24196,6 milyrd. manatlıq kapital qoyuluşu həyata keçirilib(4924,413 milyn. dollar). 2005-ci il üçün investisiyaların proqnozu 22914,2 milyrd. manat (orta mübadilə kursu üzrə 4925 AzM/USD olmaqla 4652,6 milyn. dollar), və yanvar-avqustda faktiki pul qoymalar 74,48% proqnoz təşkil edib.
Dövlət Statistika Komitəsinin məlumatına görə, 8 ay ərzində daxili mənbələrdən iqtisadiyyata 4980,6 milyrd. manat (1037,97 milyn. dollar) vəsait qoyulub.
Xarici investisiyalar 12087 milyrd. manat (2518,96 milyn. dollar) təşkil edib.
Yanvar-avqust aylarında investisiyaların əsas mənbəyi müəssislərin vəsaitləri (10,5% artımla 14908,6 milyrd. manat), bank kreditləri
(1 % artımla 790,8 milyrd. manat), əhalinin vəsaitləri (655,4 milyrd. manat
45,4% artımla), büdcə vəsaitləri (454 milyrd. manat 56,1% artımla) olub.
