Almaniya Azərbaycanla aqrar sahədə əməkdaşlıq etməkdə maraqlıdır. Bu barədə bu ölkənin Azərbaycandakı səfiri Detlef Linqemann Azərbaycanın kənd təsərrüfatı naziri İsmət Abasovla söhbətində bildirib. Kənd Təsərrüfatı Nazirliyindən Trend ə verilən məlumata görə, görüşdə bu sahədə iki ölkə arasında gələcək əməkdaşlığın perspektivləri müzakirə olunub.
Nazir gələcək əməkdaşlıq barədə öz təkliflərini təqdim edərək investisiyaların qoyulması üçün perspektiv sahələri, eləcə də meyvə konsentratları və şirələrin, süd və süd və ət emalı müəssisələrinin, üzümçülük, heyvandarlıq sahəsində analoji obyektlərin yaradılması barədə təkliflər edib.
D. Linqemann Almaniya sahibkarlarının həmişə aqrar sahədə Azərbaycanla əməkdaşlığı genişləndirməyə hazır olduqlarını bildirib və noyabrın sonlarında tərkibinə aqrar sahədə mütəxəssislərin də daxil olduğu nümayəndə heyətinin gələcəyini bildirib.
Nazirlikdə bildirilib ki, indiyə kimi Almaniya Texniki Yardım Cəmiyyəti (GTZ) 1998-ci ildən dəyəri 3,4 miln marka olanbirləşmiş ərzaq təhlükəsizliyi layihəsini və Dəvəçi və Xızıda dəyəri 4,5 miln marka olan layihəni reallaşdırıb.
Ümumilikdə, indiyə kimi öu ölkənin hökuməti tərəfindən Azərbaycana 303,3 miln avro, maliyyə yardımı göstərib ki, bundan 140 miln avro Avropa Birliyi, 130,3 miln avro isə ikitərəfli maliyyə əməkdaşlığı və 33 miln avro texniki yardım çərçivəsində həyata keçirilib.