...

AR Nəqliyyat Nazirliyi Bakı dairəvi avtomobil yolunun tikintisi layihəsinə baş podratçı seçilməsinin ikinci mərhələsini keçirir

Biznes və iqtisadiyyat xəbərləri Materials 19 Dekabr 2005 18:30 (UTC +04:00)

AR Nəqliyyat Nazirliyi Bakı dairəvi avtomobil yolunun tikintisi layihəsinə baş podratçı seçilməsinin ikinci mərhələsini keçirir. Bu barədə Trend ə nazirliyin Yolnəqliyyatservis Departamentində bildirilib. Layihənin baş podratçısı ilin sonunadək müəyyən edilə bilər, tikinti işlərinə isə 2006-cı ilin ortalarında başlanıla bilər.

Bakı dairəvi avtomobil yolunun uzunluğu 21,5 km.təşkil edir.Yol Biləcəri yolundan, Lökbatan dairəsi, Bakı-Qazax-Gürcüstan sərhədi avtomobil yolunun 22 km-lik sahəsini əhatə edir. Layihə çərçivəsində yolun 16 km sahəsinin təmiri və 5,5 km sahəsinin reabilitasiyası planlaşdırılır ki, bu da layihənin 1997-ci ildə hazırlanmış ilk TİƏ-də nəzərdə tutulmayıb.

Reabilitasiya olunan avtomobil yolu Tbilisi prospektinin 6 km-dən "Qanlı göl"ədək ərazini əhatə edəcək. Burada daxili yolların təchizatı, kommunikasiya xətlərinin və obyektlərin çəkilməsi nəzərdə tutulur. Bu səbəbdən layihənin dəyəri $28,4 mln.-dan $50-60 mln.-dək artıb.

Azərbaycan tərəfi layihənin maliyyyələşdirilməsi barədə müvafiq kredit sazişlərini artıq imzalayıb: Kuveyt fondu $14,6 mln, Əbu-Dabi Fondu - $10 mln., qalan hissəsini isə Azərbaycan hökuməti ayıracaq. Adıçəkilən fondlar kreditləri 32 il müddətinə illik 2,5% ilə təqdim edəcək.

Xəbər lenti

Xəbər lenti