Maliyyə nazirliyi 10 il ərzində Azərbaycanda yeni məcburi tibbi sığorta sistemini (MTS) təkmilləşdirməyi planlaşdırır. Bu barədə Trend ə idarədə bildirilib. 1999-cu ildən qüvvədə olan "Məcburi tibbi sığorta haqqında" qanuna əsaslanaraq hər il dövlət büdcəsindən $500-600 mln. həcmində vəsait ayrılması lazımdır və bununla bağlı tibbi sığorta sisteminin dəyişdirilməsi planlaşdırılır. İlk mərhələdə bunun dövlət qulluqçularına münasibətdə tətbiq olunması planlaşdırılır.
MTS modeli formalaşdırıldıqdan sonra bu növ sığortanın tətbiq ediləcəyi şəxslərin təbəqəsinin tədricən genişləndirilməsi mümkün olacaq. "5-10 il ərzində əhalini məcburi tibbi sığorta ilə təmin etmək mümkün olacaq" -deyə maliyyə nazirliyində bildirilib.