Oğuz-Qəbələ-Bakı su kəmərinin tikintisi üzrə layihə gələcəkdə genişləndirilə bilər. Trend in verdiyi məlumata görə, bu barədə aprelin 28-də CES Consulting Engineers şirkətinin hidrogeoloji işlər üzrə baş mütəxəssisi Martin Stache bildirib. Azərsu SC bu şirkətlə Oğuz-Qəbələ-Bakı su kəmərinin Texniki-iqtisadi əsaaları layihəsinin hazırlanması üzrə layihə imzalayıb.
Onun sözlərinə görə, layihədə nəzərdə tutulan ehtiyatlar saniyədə 5 m3-dir. Eyni zamanda, potensial yeraltı su ehtiyatları saniyadə 15 m3 qiymətləndirilib.
"Bakının su təchizatı barədə fikirlər də mövcuddur. Lakin gələcəkdə layihə genişləndirilərkən su kəməri yaxınlığında yerləşən quraqldıq rayonların su ilə təchizatı da nəzərdə tutulub. Su kəmərinin marşrutu Oğuz-Qəbələ ərazisindəki su anbarından başlayaraq Çarxana-Göyçay-Ağsu-Udullu ərazisindən keçəcək. Onun ümumi uzunluğu 280 km təşkil edəcək", - deyə mütəxəssis qeyd edib.
Stache həmçinin, qeyd edib ki, su kəməri tikilərkən diametri 2000 mm olan uzunmüddətli istifadə üçün nəzərdə tutulan GRP borularından istifadə olunacaq. Bu boruların istismar müddəti 50 ilə yaxındır. Bu sistemdə təhlükəsizliklə bağlı bütün zəruri məsələlər təmin olunacaq və tikinti işləri aparılarkən bütün beynəlxcalq standartlar nəzərə alınacaq, eləcə də, aparılan işlərin qoruqların ərazisinə ekoloji təsiri faktı xüsusi olaraq araşdırılacaq.
Bu ərazidə suyun analizi onun beynəlxalq təşkilatların, eləcə də Ümumdünya Səhiyyə Təşkilatının standartlarına müvafiq gəldiyini aşkara çıxarıb.
Dəniz səviyyəsindən 430-455 m yüksəklikdə yerləşən istismar ehtiyatları (quyu) 400 kvadratmetr təşkil edir. Bu sahə Alazan-Əyriçay və Daşaqılçay-Tikanlıçayarası təpənin ərazisində yerləşir. Layihənin dəyəri işlərin ikinci mərhələsinin gedişində müəyyən ediləcək və bu rəqəmin $300 mln. təşkil edəcəyi gözlənilir.
Qeyd edək ki, Almanyianın CES Consulting Engineers şirkəti 1940-cı ildə yaradılıb. O, dünyanın müxtəlif ölkələrində bir sıra su layihələrini həyata keçirir. CES Consulting Engineers Dünya Bankı, Asiya İnkişaf Bankı, GTZ, Avropa Birliyi, TACIS, Ümumdünya Səhiyyə Təşkilatı, KfW, BMT və digərləri kimi dünya maliyyə institutlarında konsaltinq firması kimi qeydə alınıb.