Avqustun sonuna qədər dövlət komissiyası Yoxsulluğun Azaldılması və Sabit İnkişaf üzrə Dövlət Proqramını (2006-2015-ci illər) təsdiqləyəcək. Trend agentliyinin məlumatına əsasən, iqtisadi inkişaf naziri Heydər Babayev jurnalistlərə bildirib ki, hazırda sənədin hazırlanması ilə bağlı iş başa çatmaq üzrədir və beynəlxalq maliyyə təşkilatları ilə razılaşdırma prosesi gedir.
"Sabah mən təşkilatların nümayəndələrilə görüşəcəm. Bəzi məsələləri nizamlayacağıq, sonra isə avqust ayı ərzində dövlət proqramının layihəsini dövlət komissiyasına təqdim edəcəyik" - deyə o vurğulayıb.
Birinci dövlət proqramının gençəkləşdirilməsinin nəticələri, yəni 2005-ci ilin yekunları üzrə yoxsulluğun səviyyəsi 29%-ə bərabər idi, halbuki 2004-cü ildə bu göstərici 49% təşkil edirdi. Baş nazir Artur Rəsizadənin sözlərinə görə, hökumətin vəzifəsi görülən tədbirlər çərçivəsində bu rəqəmi 2-3 il ərzində minimuma çatdırmaqdır.
