Bakı şəhərində kənd təsərrüfatı məhsullarının satış yarmarkasının hər həftənin üçüncü və altıncı günləri keçirilməsi davam etdiriləcək. Bu barədə Trend ə Bakı Şəhər İcra Hakimiyyətinin mətbuat və informasiya xidmətinin müdiri Əliabbas Bağırov məlumat verib.
O bildirib ki, yarmarkalar Bakının 11 rayonunda keçiriləcək. Ə.Bağırovun sözlərinə görə, yarmarkaların müddəti barədə konkret qərar yoxdur. Lakin havaların isti keçdiyi müddət ərzində yarmarkaların davamlı keçirilməsi nəzərdə tutulub.
Kənd təsərrüfatı məhsullarının növbəti yarmarkası bu gün də təşkil olunub və növbəti yarmarka avqustun 12-də olacaq.
