Azərbaycanın Kənd Təsərrüfatı Nazirliyi yanında Kənd təsərrüfatı kreditləri üzrə Dövlət Agentliyi və yüksək patogenli "quş qripi"nə hazırlıq layihəsinin İşçi Qrupu ictimaiyyətlə əlaqələr üzrə beynəlxalq baş məsləhətçi seçimi elan edib.
Trend in dövlət agentliyinə istinadən verdiyi xəbərə görə, xidmətlərə fövqəladə hallar və "quş qripi" üzrə milli strategiyanın keçirilməsi üçün məlumat vermənin və koordinasiyanın təmin edilməsi üçün idarəetmə və təbliğatın həyata keçirilməsi, operativ tədqiqatların, əsaslı yanaşma üçün ümumi icmal və tədqiqatların dizaynının hazırlanması, ictimaiyyətlə əlaqələr üzrə yerli mütəxəssislərlə birgə inteqrasiya edilmiş kommunikasiya strategiyasının hazırlanması, tərəfdaşlar və maraqlı şəxslərlə fəaliyyət və icra mexanizmləri üzrə məsləhətləşmələrin keçirilməsi, sürətli kommunikasiyanın təmin edilməsi məqsədilə mal və xidmətlər üzrə məsləhətlər, layihənin idarəsi üzrə personal qrup, layihəni həyata keçirən agentlər və kommunikasiya strategiyasının inkişafı və icrası barədə qərar qəbul edənlər üçün treninqlərin keçirilməsi daxildir.
Bu layihəyə maraq göstərənlər oxşar vəzifələrin icrasında təcrübənin olmasını göstərən ixtisaslaşdırma haqqında tam məlumat təqdim etməlidirlər. Təkliflər avqustun 30-a qədər qəbul olunacaq.
