...

2006-cı ilin I yarısında Azərbaycanın valyuta bazarı 27,8% artıb

Biznes və iqtisadiyyat xəbərləri Materials 30 Avqust 2006 19:31 (UTC +04:00)

Trend-i buradan izləyin

Azərbaycan Milli Bankının 2006-cı ilin I yarısında pul siyasətinin yerinə yetirilməsi üzrə açıqladığı nəticələrə görə, ölkənin valyuta bazarının həcmi 27,8% artaraq $5,3 mlrd təşkil edib. 2005-ci ildə isə bazarın həcmi $5,5 mlrd səviyyədə olub. AMB-dən Trend ə verilən məlumata görə, 2006-cı ilin yanvar-iyun ayları ərzində bank tərəfindən manatın müdaxiləsi $161,5 mln məbləğində həyata keçirilib.

Valyuta bazarında əməliyyatların böyük hissəsi (85,5%) dollar, 11,6%-i - avro, 2,6% - rus rublu və 0,3%-i digər valyutalarla aparılıb. Ötən ilin analoji dövrü ilə müqayisədə Avropa valyutası ilə əməliyyatların ciddi artımı qeyd olunur. 2005-ci ilin I yarısında avro ilə əməliyyatlar valyuta bazarının ümumi həcminin 7,4%-i səviyyəsində həyata keçirilib.

İlin əvvəlinə olan proqnozlara görə, manatla formalaşan dövlət büdcəsinə valyuta daxilolmaları ilə əlaqədar 2006-cı ildə valyuta bazarının $800 mln - $1 mlrd artması gözlənilir. Ancaq valyuta bazarının hazırkı artım templərini nəzərə alaraq, bu proqnozların bazarda artıq olmasını gözləmək olar.

Xəbər lenti

Xəbər lenti