Azərbaycan prezidenti yanında Qiymətli Kağızlar üzrə Dövlət Komitəsi Dünya Bankı ilə danışıqlara hazırlaşır. Azərbaycanda maliyyə layihələri üzrə rəhbər Sonya Bratanoviç-Brayoviçin rəhbərlik etdiyi missiyanın oktyabrda Bakıya səfər edəcəyi gözlənilir. "Biz təkliflərimizi hazırlamışıq və missiyaya təqdim edəcəyik. Burada istiqamətlər göstərilib və biz bu istiqamətlər üzrə DB-dən yardım almaq istəyirik". Trend in xəbər verdiyi kimi, bu barədə QKDK sədri Gündüz Məmmədov məlumat verib.
Məsləhətləşmələr qiymətli kağızlar bazarının (broker və diler şirkətlər) peşəkar iştirakçılarının maddi-texniki bazasının, proqram təminatının, Azərbaycanda kollektiv investisiyalaşdırma institutlarının inkişafının, investisiya fondlarının yaradılmasının, depozit sisteminin birləşdirilməsinin və s. dəstəklənməsi üçün lazımdır. Gələcəkdə qeyri-dövlət pensiya fondlarının inkişafına və QK bazarında iştirakına yardım etmək nəzərdə tutulur.
