2006-cı ilin yanvar-sentyabr ayları ərzində Azərbaycan Xəzər Dəniz Gəmiçiliyinin gəmiləri ilə, ümumilikdə, 10,648 mln. ton yük daşınıb ki, bu da 2005-ci ilin birinci yarısından 660,4 min ton çoxdur. Trend in xəbər verdiyi kimi, bu barədə Xəzər Dəniz Gəmiçiliyindən bildirilib.
Bu həcmin 7,581 mln. tonu tanker daşımaları, 2,77 mln. tonu bərə daşımaları, 987,9 min tonu isə quru yük daşımalarının payına düşür. Ümumilikdə, Xəzər çərçivəsində 9,785 mln. ton (o cümlədən MDB limanları arasında 5,696 mln. ton) yük daşınıb ki, bu da 2005-ci ildəkindən 548,8 min ton çoxdur. Xəzərdən keçən marşrutlar üzrə Avrasiya nəqliyyat dəhlizi ilə 5,67 mln. ton (4,433 mln. ton tranzit) yük daşınıb ki, bunun da 2,968 mln. tonu tankerlərlə daşınıb.
Xəzərdən kənarda quru yük donanması vasitəsi ilə 844,5 min ton yük daşınıb ki, bu da 2005-ci ilin yanvar-sentyabr aylarındakından 93,7 min ton çoxdur. Gəmiçiliyin gəmiləri ilə Qara dəniz və Xəzər dənizində 18,2 min ton müxtəlif yük daşınıb. Yanvar-iyun aylarında 13,9 min nəfər sərnişin daşınıb.
