Azərbaycan Kənd Təsərrüfatı Nazirliyinin təklifinə əsasən, 2007-ci ildə respublikaya spirtli içkilərin idxalı üçün aksiz dərəcələrinin artırlması planlaşdırılır. Bu barədə Trend xəbər verir.
"Alkoqollu içkilərin istehsalı və idxalında neqativ hallar mövcuddur və biz hələlik onları neytrallaşdıra bilməmişik. Bununla əlaqədar olaraq biz idxal dərəcələrinin artırılması təklifi ilə Nazirlər Kabinetinə müraciət etmişik. Qanunsuz və keyfiyyətsiz alkaqollu içkilərin istehsalı ilə isə mübarizə gücləndiriləcək", - deyə kənd təsərrüfatı naziri İsmət Abasov bildirib.
Onun sözlərinə görə, bu məhsulların idxalındansa onların istehsalının həcmini artırmaq məqsədəuyğun olar. Ona görə də idxal üçün aksiz dərəcələrinin artırılması siyasəti yerli istehsalın dəstəklənməsinə yardım edəcək.