2006-cı ilin yanvar-oktyabr aylarında Naxçıvan Muxtar Respublikasında (NMR) məhsulların istehsalı və xidmət göstərilməsi 64306,4 min manat həcmində olub ki, bu da 2005-ci ilin bu göstəricilərinə görə 76,4% çoxdur. Ümumi istehsal strukturunun 78%-i (50146,6 min manat) məhsulun və 22%-i (14159,8 min manat) isə xidmət göstərilməsinin payına düşür. Bu haqda Trend məlumat verir.
Sənaye istehsalının 0,4%-i hasilatın, 80,9%-i emal sənayesinin, 18,7%-i elektrik enerjisi və su istehsal edən və paylayan müəssələrin payına düşür ki, onların artımı müvafiq olaraq 5,3%, 87% və 42% təşkil edib.
Sənaye sferasının özəl sektorunun payı 51606,9 min manat, dövlət sektoru üzrə 12699,5 min manat təşkil edib. Dövlət sektorunda məhsul istehsalının artımı 9 %, 2,1 dəfə olub.
Bu mərhələ ərzində sənaye sferasında məşğul olanların sayı 4505 nəfərdir. Orta aylıq əməkhaqqı 17,7% artımla 121,6 manat təşkil edib.