Əmək və Əhalinin sosial müdafiəsi nazirliyi indiyə qədər ölkənin müxtəlif bölgələrində, o cümlədən, Naxçıvan Muxtar Respublikasında 50-dən artıq əmək yarmarkası keçirib.
Nazirliyin baş məşğulluq idarəsindən Trend ə verilənq məlumata görə, yarmarkalarda 2100-dən artıq müəssisə 21 mindən artıq iş yerləri ilə iştirak edib ki, nəticədə təxminən 8 min adam işə götürülüb, 300-dən çox adam ödənişli ictimai işlərə qoşulub, 300 nəfər isə hazırlıq kurslarına yönəldilib. Nazirlik belə tədbiri sonuncu dəfə dekabrın 6-7-də Bakıda Əl Oyunları Sarayında keçirib. Bu yarmarkanın işində 1 min dən artıq müəssisə 6,5 mindən artıq vakant iş yerləri ilə iştirak edib. "Bu gün Bakıda keçirilən yarmarkalarda işə qəbul olunanların dəqiq sayını göstərmək çətindir. Biz 2,7 min işsizə istiqamət vermişik ki, onlar iş yerləri təklif edənlərlə söhbətlər edəcəklər. İşə qəbul olunanların dəqiq sayı gələn həftənin əvvəlində məlum olacaq"-deyə idarədən vurğulayıblar. Bakıda əmək yarmarkası nazirliyin bu il üçün sonuncu tədbiridir. Növbəti yarmarkaların 2007-ci ilin aprel-may aylarında keçirilməsi gözlənilir.