Azərbaycan,Bakı/müxbir Trend S.Əliyev /Dünya Bankı (DB) Azərbaycan dəmir yolunun yenidən qurulması layihəsinin həyata keçirilməsi üçün 100 mln. dollar ölçüsündə kredit təqdim edə bilər. Bu barədə hökumətdən məlumat verilib. Öncə DB Azərbaycan hökumətinə dəmir yolu vasitəsilə tranzit və ticarətə yardım layihəsi çərçivəsində konsepsiya təqdim edib.
Konsepsiyada dəmir yolunun yenidən qurulması layihəsinin reallaşdırımasının iki variantı nəzərdə tutulub. Onlar dəyəri və işlərin həcmi ilə fərqlənir.
Birinci variant 600 mln. dollar, ikincisi isə 760 mln. dollar məbləğində qiymətləndirilir. Lokomotivlərin əldə olunması ilə yanaşı, layihədə ümumilikdə dəmir yolunun yenidən qurulması, infrastrukturun yenidən formalaşdırılması nəzərdə tutulub.
Hökumətdən bildirildiyi kimi, bu layihənin maliyyələşdirilməsi həm sindikatlaşdırılmış kredit, həmçinin onun komponentlərə bölünməsi hesabına həyata keçirilə bilər.
