Azərbaycan,Bakı/müxbir Trend Ü.İsmayılova/Neft-qaz sənayesi üçün boru emalı zavodu Caspian Pipe Coating "Pasha Sigorta" şirkətinin sığorta məhsulu və yenidən sığorta bazasını Azərbaycan bazarında ən keyfiyyətli elan edib. Bu barədə çərşənbə axşamı "Pasha Sigorta" şirkətinin baş direktorunun müavini Nofəl Rzayev bildirib.
Caspian Pipe Coating Azərbaycan sığorta bazarının yeddi lideri arasında tender keçirib. Zavod üç sığorta növü: əmlak, işə götürənin məsuliyyəti və istehsalın müvəqqəti dayandırılmasının sığortası üzrə tenderin qalibi kimi "Pasha Sigorta" şirkətini seçib. Şirkətin bu üç növ üzrə ümumi gəliri 130 min dollar təşkil edir.
"Pasha Sigorta" 28 növ sığorta xidməti göstərir ki, bunların dördü icbaridir. Şirkətin nizamnamə kapitalı 1 mln. manat təşkil edir.