Azərbaycan,Bakı/müxbir Trend İ.Xəlilova/2007-ci ilin sentyabrında "Zamin Bank" Səhmdar Kommersiya Bankı MasterCard beynəlxalq ödəmə sisteminin çip kartlarının sertifikatlaşdırılmasını başa çatdırmağı planlaşdırır. Bu barədə bankın Nəzarətçilər Şurasının rəhbəri Nadir İsmayılov məlumat verib.
"Zamin Bank" "Azərdəmiryolbank"ın sponsorluğu altında keçən il digər sistem - Visa sistemində olduğu kimi, bu ödəmə sisteminin də assosiativ üzvü kimi çıxış edir.
Bu gün "Zamin Bank" sayı 3 min olan maqnit zolaqlı Visa plastik kartları buraxır. Visa çip kartlarının buraxılmasına keçid oktyabrda baş verəcək, lakin bu sistem sertifikatlaşdırmadan artıq keçib.
"Zamin Bank" kartlarının böyük sayı gözlənilmir. Belə ki, onlar əsasən bankın VİP müştəriləri arasında yayılır. Lakin transaksiya həcminin inkişaf etdirilməsi nəzərdə tutulur. 2007-ci ilin sonunadək bank 5 min kart buraxmağı nəzərdə tutur. Kartlarla yanaşı, bank həmçinin infrastrukturunu genişləndimək niyyətindədir. Hazırda bank 11 bankomata malikdir, onların sayı ilin sonunadək daha 10 ədəd artırılacaq. POS-terminalların sayı isə 20 ədəd təşkil edir və 50-60-a qədər artırılacaq.
"Millicart" MMC-nin səhmdarlarından biri kimi "Zamin Bank"ın kartlarına 2006-cı ilin sentyabrından buraxılmağa başladığı vaxtdan etibarən bu prosessinq mərkəzində xidmət göstərilir.
