Azərbaycan, Bakı/ Trend / "Basak-Inam" birgə sığorta şirkəti ipoteka kreditinin obyekti olan əmlak sığortası üzrə əməliyyatları artırıb.
Cümə günü şirkətdən verilən məlumata görə, bu günə qədər əmlak üzrə 186 risk sığortalanıb.
Əmlak sığortası üzrə faiz dərəcələri 0,2-0,5 faiz arasında dəyişib.
2006-cı ildə şirkət 0,2-0,5 faiz dərəcələri ilə ipoteka kreditinin obyekti olan əmlaklar üzrə 30 sığorta əməliyyatı aparıb.
Sığorta "Turan bank", "Texnikabank", "Bank of Baku", "Bank Respublika", Azərbaycan Kredit Bankı, "Azər-Türk Bank" və Azərbaycan İpoteka Fondunun (AİF) müştəriləri üçün aparılıb.
"Basak-Inam" 1996-cı ildən fəaliyyət göstərir. May ayının 1-i üçün şirkətin nizamnamə kapitalı 800 min manat olub.