...

BP "BUE Caspian"la Azərbaycanda keçirilən əməliyyatlar üçün yardımçı gəmilərin gətirilməsina dair müqavilə imzalayıb

Energetika Materials 27 Sentyabr 2007 14:19 (UTC +04:00)

Trend-i buradan izləyin

Azərbaycan, Bakı / Trend / müxbir A.Bədəlova/ Dubayın "Topaz Energy" və "Marine Ltd" şirkətinin törəmə şirkəti olan "BUE Caspian" "BP Azərbaycan" ("Azəri-Çıraq-Günəşli" yatağının işlənməsi ilə məşğul olan Azərbaycan Beynəlxalq Əməliyyat Şirkətinin operatoru) şirkəti üçün üç yardımçı gəminin alınmasına dair müqavilə imzaladığını bəyan edib.

"BUE Caspian"ın məlumatında bildirilir ki, müqavilələr 3-7 il üçün nəzərdə tutulub və lazım gələrsə bu müddət üç il də uzadıla bilər. İlkin investisiyalar 65 mln. dollar təşkil edir ki, bu da 5 il ərzində Azərbaycana 10 gəminin inşa edilərək göndərilməsinə imkan verəcək. Müqavilənin ümumi dəyəri bütün şərtlər həyata keçirildiyi təqdirdə 210 mln. dollardan çox ola bilər.

"Bu, BP tərəfindən "BUE Caspian" şirkətinə həvalə olunan ikinci böyük tenderdir" - deyə "BUE Caspian" şirkətinin meneceri Roy Donalds bildirib.

"BUE Caspian" "Built Ulstein UT755L" tipli iki norveç yardımçı gəmisi və hazırda "Damen" şirkəti tərəfindən Hollandiyada inşa edilən sürətli kater təqdim edəcək. "Caspian Pride" adlı birinci UT755L istismara 2007-ci ilin oktyabrında veriləcək. Digər iki gəmi Bakıya 2008-ci ildə gətiriləcək.

"BUE Caspian" Xəzər Dəniz Neft Donanması alyansında çalışır və hazırda 15 yardımçı gəmiyə malikdir.

Xəbər lenti

Xəbər lenti