Azərbaycan, Bakı/ Trend / 11 ay ərzində Bakı-Tbilisi-Ceyhan boru kəməri ilə 25 mln. 263 min ton yüngül Azərbaycan nefti nəql edilib. Bu barədə Azərbaycan Dövlət Neft Şirkətinin məlumatında bildirilir. Noyabrda bu göstərici 2 mln. 556 min ton təşkil edib. Boru kəmərinin istismara verildiyi ötən ilin mayından, kəmərlə 34 mln. 634 min ton neft nəql edilib. Türkiyənin Ceyhan limanından yanvar-noyabr ərzində Bakı- Tbilisi-Ceyhan boru kəmərilə nəql edilən 25 mln. 562 min ton neft (232 tanker) göndərilib. Noyabrda limandan 2 mln. 860 min 521 ton neft (28 tanker) ixrac edilib. Bakı-Tbilisi-Ceyhan boru kəmərinin istismara verildiyi vaxtdan Ceyhan limanından 33 mln. 233 ton neft (312 tanker) ixrac edilib.
...