Azərbaycan, Bakı, 03 mart / Trend , müxbir S.Əliyev/ Bazar ertəsi Azərbaycanın sənaye və energetika naziri Natiq Əliyev ilə İordaniyanın Energetika və Mineral Sərvətlər Nazirliyinin baş katibi Faruq Əl-Xiəri, həmçinin, İordaniya Milli Neft Şirkətinin baş direktoru arasında keçirilən görüş zamanı Azərbaycan neftinin İordaniyaya satış məsələsinə dair müzakirələr aparılıb. Bu barədə Nazirlikdən məlumat verilib.
Görüşdə neft emalı sahəsində əməkdaşlıq, iqtisadiyyatın qeyri-neft sektorunda birgə layihələrin reallaşdırılması məsələləri də müzakirə olunub.
İordaniya nümayəndə heyətinin Azərbaycana səfər çərçivəsində, Azərbaycan Dövlət Neft Şirkətində görüşlər keçirəcəyi gözlənilir.