Azərbaycan, Bakı, 14 mart/ " müxbir İ.Xəlilova/ 2007-ci ildə Azərbaycanın Dövlət Neft Fondu (ADNF) ölkənin neft-qaz yataqlarını işləyən əcnəbi şirkətlərdən $67 mln. bonus ayırmaları alıb. Bu barədə 2007-ci ildə Azərbaycanın sosial-iqtisadi inkişafı üzrə hökumətin hesabatında bildirilir.
ADNF 2007-ci ildə "Şahdəniz" layihəsinin əcnəbi iştirakçılarından bu qaz-kondensat yatağında qazın hasilatına başlanılması ilə əlaqdar $45 mln. bonus ayırmaları alıb. "Şahdəniz"" layihəsində iştirak payına əsasən, onun əcnəbi tərəfdaşları bonusları bu şəkildə toplayıblar: Norveçin StatoilHydro şirkəti $12,7 mln. ödəyib, Rusiyanın LUKOYL şirkəti - $5 mln. , Fransanın TOTAL şirkəti - $5 mln. , İranın NICO şirkəti - $5 mln. , Türkiyənin TPAO şirkəti - $4,5 mln. (cəmi $45 mln.). Hazırda yataqdan qaz və kondensat hasil edilir. Qaz Azərbaycan, Gürcüstan və Türkiyəyə satılır. Kondensat yüngül neftlə birlikdə Bakı-Tbilisi-Ceyhan neft kəməri ilə ixrac edilir.
2007-ci ildə ADNF Azərbaycanın "Yalama" (blok D-222) perspektivli strukturunda kəşfiyyat, işlənmə və hasilatın bölünməsi üzrə LUKOIL Overseas Operating Company - dən $20 mln. bonus alıb.
2007-ci ildə ADNF "Hövsan-Zığ" quru yatağının işlənilməsi üzrə layihə çərçivəsində, "Russneftğ" şirkətindən $2 mln. bonus alıb.