Azərbaycan, Bakı, 29 may / Trend , müxbir E.İsmayılov/ Azərbaycan Dövlət Neft Şirkətinin (ARDNŞ) Geofizika və Geologiya İdarəsi Azərbaycanın dəniz sahələrində kəşfiyyat işlərinin aparılması üçün gəmilərdə avadanlıqların hazırlanması işini başa çatdırıb. Bu barədə cümə axşamı idarədən məlumat verilib. Hazırda proqramın razılaşdırılması və təsdiq olunması prosesi gedir. Kəşfiyyat işlərinə iyun-iyul aylarında başlanması planlaşdırılır.
İstehsal Birliyinin balansında "Geofizik-1", "Geofizik-2" və "Geofizik-3" gəmiləri, həmçinin "Bakı" gəmisi var. "Geofizik-1" və "Geofizik-3" gəmiləri müasirləşdirilib. "Bakı" gəmisi isə "Caspian Geophisical" şirkəti tərəfindən Hind okeanında istifadə olunub və 2004-cü ildə qaytarılıb.
Məqalə müəllifi ilə əlaqə ünvanı: [email protected]
