Azərbaycan, Bakı, 13 avqust/ Trend / Azərbaycan Dövlət Neft Şirkətinin Xəzər Dəniz Neft Donanması "Andoqa", "MRK" və digər gəmilərin təmiri üçün avadanlığın alınmasına tender elan edib.
Yükalan avadanlıq və ehtiyat hissələrin göndərilməsini müqavilə imzalandığı gündən başlayaraq, üç ay ərzində həyata keçirməlidir. Avadanlıq və ehtiyat hissələrinin dəyəri yük göndərildikdən sonra il ərzində hissə-hissə ödəniləcək.
İddiaçı qismində tender iştirakçıları iştirak haqqında müraciət və digər sənədləri 2008 - ci il sentyabrın 25-dək "XDND"-yə təqdim etməlidirlər.
Təkliflər qiymətləndirilərkən, aşağıdakı meyarlara üstünlük veriləcək - ehtiyat hissələrinin dəyəri, səciyyəvi təcrübə (gəmilərin ehtiyat hissələrinin təchizatı sahəsində), göndərmə müddəti.
Tender təklifləri 2008 - ci il oktyabrın 6 - dək qəbul ediləcək və oktyabrın 7-də saat 11.00 - da "XDND " nin binasında açılacaq.
