...

Gürcüstanın Dəmir Yolu Kaspi şəhəri yaxınlığında partladılmış körpünü istimara verməyə hazırlaşır

Energetika Materials 8 Sentyabr 2008 18:02

Trend-i buradan izləyin

Azərbaycan, Bakı, 08 sentyabr/ Trend , müxbir E.İsmayılov/ Gürcüstanın Dəmir Yolu (GDY) sentyabrın 11-də əvvəllər partladılmış Gürcüstanın Qara Dəniz limanlarına aparan əsas körpünü istismara verməyə hazırlaşır, - bazar ertəsi GDY-dən deyiblər.

Gürcüstanın Kaspi şəhəri yaxınlığında yerləşən bu körpünün (Kulevi, Batumi və Poti limanlarına aparan) partladılması nəticəsində avqustun 16 - da dəmir yolu vasitəsilə neft və neft məhsullarının nəqli dayandırılıb.

"Sentyabrın 11-də körpünün istismara verilməsi planlaşdırılıb. Hazırda təmir işləri davam etdirilir", - GDY-dən bildiriblər.

Hərəkət paralel körpü üzrə yeni marşrut vasitəsilə həyata keçirilir. Körpünün davamlılığı yoxlanıldıqdan sonra, sərnişin qatarlarının hərəkəti sentyabrın 1-də bərpa edilib. Alternativ dəmir yolu ilə yük qatarlarının hərəkəti avqustun 24-də başlayıb.

"Alternativ marşrut üzrə hərəkət normal rejimdə həyata keçirilir", - GDY-dən qeyd ediblər.

Partlayışdan bir neçə gün sonra alternativ dəmir yolunda təmir işləri görülüb. Təmir işlərini azərbaycanlı və gürcü mütəxəssislər aparıblar. Dəmir yolunun bu hissəsi 1901-ci ildə tikilib. Əvvəlcə mütəxəssislər bu körpüdən böyük qaratrların hərəkətini istisna ediblər, lakin sonra bu istiqamət üzrə hərəkətin bərpası ilə bağlı qərar qəbul edilib.   

Xəbər lenti

Xəbər lenti