Azərbaycan, Bakı, 10 dekabr/ Trend , müxbir V.Şərifov/ SOCAR və Dubayın DB Petroleum şirkətləri "Buzovna-Maştağa" quru yatağının işlənməsi və reabilitasiyası üzrə PSA tipli sazişin bağlanması barədə danşıqlar aparırlar. Bu barədə çərşənbə günü SOCAR-dan (Azərbaycan Dövlət Neft Şirkəti) bildiriblər.
SOCAR nümayəndəsinin sözlərinə görə, DB Petroleum ilə artıq əsas kommersiya prinsipləri barədə saziş imzalanıb.
"Ola bilsin ki, PSA tipli müqavilə ilin sonunadək imzalansın. Danışıqlar davam etdirilərsə, gələn ilin əvvəlində imzalana bilər", - deyə SOCAR-ın nümayəndəsi bildirib.
Bir neçə il əvvəl Polish Oil and Gas Company (POGC) SOCAR ilə bu quru yatağının işlənməsi və reablitasiyası üzrə PSA tipli müqavilənin imzalanma perspektivlərini müzakirə edib.
Tərəflər bir neçə dəfə danışıqlar aparıblar, lakin onların heç biri saziş imzalanması ilə başa çatmayıb.