Azərbaycan, Bakı, 10 dekabr/ Trend , müxbir A.Bədəlova/ Beynəlxalq Enerji Agentliyi (BEA) 2013-cü ilə Xəzər regionunda neft hasilatının sutkada 800 min barel artacağını proqnozlaşdırır.
2013 - cü ilə bu regionda hasilatın artımı OPEK-ə daxil olmayan ölkələrin ümumi neft tədarükü həcmi artımının təxminən 70 faizini təşkil edəcək, - BEA-nın təşkilatın rəsmi saytında yerləşdirilmiş məruzəsində bildirilir.
BEA-nın qiymətləndirmələrinə görə, BP şirkətinin operator olduğu Azərbaycanın "Azəri-Çıraq-Günəşli" yataqlar blokunda potensial hasil edilən ehtiyatlar 9 mlrd. barelə çata bilər. Agentlik 2009-cu ildə bu yataqdan hasilatın sutkada 1 mln. barelədək artacağını proqnozlaşdırır.
BEA-nın proqnozlarına görə, növbəti beş il ərzində Qazaxıstanda neftin hasilatı artacaq və 2013-cü ildə sutkada 1,85 mln. barelə bərabər olacaq. 2015-ci ildə ölkədə neft hasilatının ümumi həcmi sutkada 2 mln. barel təşkil edə bilər.
Qazaxıstan neftinin artan ixracının beynəlxalq bazarlara daxil olması üçün, 2013-2015 - ci illərə sutkada əlavə 800 min barellik nəqliyyat gücü lazımdır, - BEA-nın məruzəsində deyilir.
Müəlliflə əlaqə saxlamaq üçün elektron ünvan: с[email protected]